İnce Börek
Melceü't - Tabbahin (Mehmed Kâmil 1844)
Türkiye Yazma Eserler Kurumu Başkanlığı Yayınları
Âlâ dakîk-i hâsı eleyip âdeta küçük tepsi ise dört beş yumurta -daha büyüğü buna makistir-mezkûr dakîkin içine kırıldıkta vâfî tuz ve su ile yoğrula.
Şol derece ki bıçak ile kesildikte göz göz ola.
Badehu ellerini rûgan-ı sâdeye bulaştırıp birkaç defa bu usul ile de yoğrulduktan sonra ceviz gibi katedip aheste aheste oklava ile altına cüzi nişasta koyarak açıla.
Tamam incelikte tepsiyi yağlayıp üzerine beş yufka konuldukta rugan serpip her beşte bu usule riayet olunarak nısfı oldukta âdeta matlup olan içi vaz birle yine üzerine yufkalar konularak tekmilinde üzerini dört bölük kesip yine bir miktar rûgan-ı sâde haşlana.
Badehu fırında tabh oluna. Lakin hamur açılmak için tecrübeye muhtaçtır.
Bazı hamura yoğrulur iken ellerini rûgan-ı zeyt ile tergîn olunmak lazım gelir ve rugan serpildikte az serpile.
Zira yağı çok olur ise süzmeye muhtaç olur.
